Një 79-vjeçare në Belgjikë, emri i të cilës nuk është bërë i ditur, u ndalua nga Policia pasi që kishte vozitur 238 kilometra në orë.
Ajo i kishte thënë policisë se nuk po e zinte gjumi dhe kishte vendosur të bëjë një xhiro me veturën e saj Porsche Boxter GTS, shkruan gazeta austriake Heute.
Në pamundësi për të fjetur, e moshuara hip në veturë dhe hynë autostradës, transmeton Klan Kosova.
Në vozitje e sipër, ajo e çoi gazin deri në fund, duke “ia shkelur” 238 kilometra në orë.
Zonjën e kishte ndaluar Policia, radari i të cilëve e kishte kapur shpejtësinë me të cilën po voziste ajo.
Si pasojë e këtij incidenti, gjyshja e shumë nipërve dhe mbesave është dënuar me 45 ditë pezullim të lejes dhe me 1200 euro gjobë.
