Siç shkruajnë mediat e huaja, përcjell Telegrafi, Melania nuk e ka fshehur faktin se ajo nuk dëshiron të flasë në ngjarjet që i paraprijnë inaugurimit dhe kjo është treguar në mënyrë të qartë.
Po sipas medieve të huaja, zonja Trump ka “treguar ngurrim”, kur iu kërkua për të dhënë një fjalim në darkën gala në prag të inaugurimit.
Por, si një zonjë e vërtetë, ajo u ngjit në skenë dhe dha një fjalim në të cilën ajo më në fund tha: “Ne do ta bëjmë Amerikën të madhe sërish”.
“Është kënaqësi të jem këtu dhe të ju falënderoj për mbështetjen tuaj. Nesër ne fillojmë për të bërë punë. Para nesh ka shumë përgjegjësi… Ne do ta bëjmë Amerikën e madhe përsëri”, ka thënë Melania në fjalimin e saj të gjatë 15 sekonda, përcjell Telegrafi.
Kjo u pasua nga duartrokitje dhe një puthje në faqe nga Presidenti i ardhshëm i Shteteve të Bashkuara.
Për dallim, shkruajnë mediat e huaja, fjalimi i gruas së Barack Obamas, Michelle, zgjati 20 minuta.
Ish-modelja e cila flet pesë gjuhë, rrallë shfaqet në publik, por qëndroi me Trump, si shpeshherë edhe në këtë darkë.
Melania Trump nuk do të respektojë traditën dhe nuk do të vendoset menjëherë në Shtëpinë e Bardhë, por do të qëndrojë në Nju Jork, derisa djali i tyre dhjetëvjeçar Baron do të përfundojë vitin shkollor.
Ajo nuk dihet se çfarë roli publik do të luaj në të ardhmen, edhe pse ka premtuar se do të jetë “një zonjë e parë tradicionale, si Jackie Kennedy” dhe se do të luftojë abuzimin në internet, si dhe do të ndihmojë gratë e varfra.
