Historia e 10-vjeçares që shet bonbone në Tiranë: “Dua të bëhem si Lali Eri” – i përgjigjet kryebashkiaku

Për një fëmijë të moshës 10-vjeçare, padyshim që gjëja më e çmuar janë ëndrrat për një të ardhme më të mirë, për të mos thënë një jetë e bukur si ato në përralla, ku nuk mungon asgjë.

Por për Jonën nga Tirana, ëndrrat dhe sfidat nuk janë ato të një 10-vjeçari të zakonshëm.

Prej 3 javësh ajo ka zgjedhur të dalë nëpër rrugët e Tiranës dhe të shesë bonbone, me dëshirën për të fituar aq para sa për të blerë një shtëpi.

Dhe për këtë rrugë që ajo ka ndjekur, thotë se e ka një shembull, atë të kryebashkiakut të Tiranës, Erion Veliaj. Të cilit madje thotë se edhe “do t’i zërë vendin”.

10-vjeçarja, Jona, e ka rrëfyer historinë e saj të pazakontë këtë të premte në emisionin “Oktapod”.

Ajo thotë se do të bëhet si Erion Veliaj, pasi historia e saj i ngjan historisë së kryebashkiakut të Tiranës.

“Dua të bëhem si Erion Veliaj, sepse ai ndërton kopshte për të vegjlit. Unë kam të përbashkët me të, se ai ka shitur fiq, ndërsa unë bonbone. Do bëhem kryebashkiake e Tiranës në të ardhmen”, thotë ajo.

Jona thotë se ka shumë njerëz në rrugë që e mbështesin ëndrrën e saj dhe e frymëzojnë të vazhdojë të besojë në dëshirën e saj, sikundër ka edhe njerëz që nuk e presin mirë dhe i thonë se, ajo që vajza kërkon është e pamundur të arrihet.

E megjithatë, vajza e vogël me një buzëqeshje të ëmbël, nuk trembet, por kësaj sfide të madhe i buzëqesh dhe thotë se ajo nuk do të dorëzohet dhe do të besojë në ëndrrën e saj.

Por pas kësaj historie të veçantë nuk mund të mos vinte dhe një reagim nga kryebashkiaku i Tiranës, Erion Veliaj.

Në një status të moderatorit emisionit Turjan Hyska, në Instagram, kryebashkiaku Erion Veliaj komenton se “mbajeni mend këtë gocën po s’u bë presidente një ditë”.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu