Papa Framcesku tregoi të shtunën përulësinë e tij me një vizitë në Milano për t’u takuar me familje të klasës punëtore, përfshi dhe një myslimane, teksa përdori dhe një tualet publik të përkohshëm.
Papa nuk e nisi vizitën e tij nga katedralja e famshme gotike e metropolit por ndaloi vetëm në zonat rezidenciale periferike, ku u takua me disa familje, një prej të cilave ajo e Mihoual Abdel Karim, emigrant mysliman nga Maroku.
“Ishte shumë emocionale, njësoj sikur të kishim një mik në shtëpi,” tha Karim, i cili i kishte ofruar Papës ëmbëlsira dhe qumësht.
Që prej zgjedhjes së tij në 2013, kryeprifti nga Buenos Aires është njohur për kontaktet me shtresat e paavantazhuara dhe mohimin e shumë lehtësirave që ofron posti i kreut të Kishës Katolike me më shumë se 1.2 miliardë ndjekës.