Në Florida të Shteteve të Bashkuara ka ndodhur një ngjarje e pazakontë, ku një burrë me shkop të drurit dhe me hanxhar, ka arritur të përzë pesë plaçkitës të armatosur që ishin futur në shtëpinë e tij.
Pronari i shtëpisë po qëndronte ulur në oborr me një djalë të ri që besohet të jetë biri i tij, kur personat e armatosur e maskuar u futën në oborr. Por, ai nuk qëndroi duarkryq dhe menjëherë vrapoi për të marrë shkopin e drurit, për t’iu vërsulur plaçkitësve.
Dhe duket se shkopi nuk i frikësoi edhe aq burrat e maskuar, dhe kështu pronari i shtëpisë shkoi për të marr një hanxhar gjigant me të cilin i sulmoi dhe, ky tentim rezultoi me sukses pasi ata menjëherë u zmbrapsen.
Por, falë fqinjëve që u treguan vigjilent dhe i telefonuan policisë, tre nga personat e armatosur i arrestoi të cilët i mbante pronari i shtëpisë me hanxhar në kokë, ndërsa dy tjerë i kapën më vonë.
