Michael Ballack pret që Cristiano Ronaldo të mbetet në Real Madrid mes zërave që lidhin yllin portugez me një largim nga klubi spanjoll.
Fituesi aktual i Topit të Artë thuhet se po kërkon një largim nga Santiago Bernabeu për shkak të akuzave në Spanjë lidhur me çështjet e tij tatimore.
Megjithatë, ish-ylli gjerman, Ballack mendon se Ronaldo është në një klub fantastik dhe i lumtur te Reali, dhe nuk e sheh te ndonjë klub tjetër.
“Unë mendoj se është një situatë emocionale tani … gjithçka që mund të them është se ai është duke luajtur në një klub fantastik”, ka thënë fillimisht Ballack për Omnisport.
“Jam i sigurt se ai është i lumtur në atë klub”.
“Është një situatë pak e vështirë tani, por ai ka përvojë të mjaftueshme për ta trajtuar atë gjithashtu dhe për të gjetur një zgjidhje të mirë për veten e tij”.
“Real Madridi është një klub fantastik dhe nuk e shoh atë në një klub tjetër tani”, përfundoi ish-ylli gjerman i Bayernit dhe Chelseat.
