Një gjë e tillë është theksuar në planet e dy memorandumeve ku “Reuters” kishte qasje.
Agjencia britanike thotë se udhëzimet e reja kanë për qëllim përshpejtimin e dëbimeve dhe të kundërshtojnë kërkësat për azil, transmeton Lajmi.net.
Burimet thonë se dekreti është aktualisht në shqyrtimin përfundimtar të Shtëpisë së Bardhë.
Pritet që në fillim të javës së ardhshme ky dokument të dërgohet në Departamentin e Emigracionit dhe Doganave, Policisë dhe Departamentit të Mbrojtjes Kufitare.
Në përputhje me këto urdhra mijëra njerëz do të përballen me procedura të përshpejtuara të deportimit duke përfshirë edhe ata që ishin planifikuar më parë për dëbim gjatë administratës së ish-presidentit Barack Obama.
Gjatë udhëheqjes së Obamas dëbimi ishte planifikuar vetëm për emigrantët që kanë hyrë së fundmi në Shtetet e Bashkuara dhe kriminelët e dënuar në mesin e emigrantëve.
Sipas Trump-it, tani do të vendoset se kush duhet të dëbohet dhe kujt do t’i lejohet qëndrimi në SHBA.
