Në lidhje me arrestimin e deputetëve nga radhët e Lëvizjes Vetëvendosje në Kosovë, në rrjetin social Facebook, ka reaguar edhe kryetari i komunës së Gostivarit, Arben Taravari.
“Sot lexova se deputetin Albin Kurti, Donika Kadaj-Bujupi, Albulena Haxhiu janë arrestuar. Këta të tre janë arrestuar se kanë bërë krim të organizuar duke protestuar me gaz lotsjellës në kuvend…
Në ca shtete është një formë demokratike proteste që nuk dënohesh hiç, po si duket në Kosovë qenka gati krim kundër njerëzimit se i kanë arrestuar gjithë spektakël, si të ishin kriminelë lufte!!!
Ndoshta organeve të drejtësisë në Kosovë iu duhen disa leksione për të kuptuar se çfarë është demokraci…Se duken shumë radikalë këta të drejtësisë në Kosovë, jo si të kenë dalë nga robëria, po sikur të jenë robërues…
Nuk vendoset drejtësia me ligjin e më të fortit!“, shkruan në rrjetin social Facebook, kryetari i komunës së Gostivarit Arben Taravari.
