5% rroga më të larta për punonjësit e kujdesit shëndetësor në Maqedoni

LSDM premton se do të vazhdoj kujdesin për shëndetin dhe investimet në shëndetësinë publike. Kjo u paralajmërua sot nga deputeti i kësaj partie, Nenad Kociq në një prononcim për media.

Sipas tij, Qeveria e udhëhequr nga LSDM-ja vazhdon të investojë në shëndetin publik për punëtorë të motivuar shëndetësor dhe qytetarë të kënaqur, përcjell INA.

Ai ka dhënë lajmin se nga ky muaj rrogat e të gjithë punëtorëve shëndetësorë do të rriten për pesë përqind.

“Për këtë qëllim në Buxhetin për vitin 2022 janë paraparë 600 milionë denarë. Për katër vite kemi rritur pagën bazë të mjekëve specialistë me 40 për qind, të infermierëve nga 20 për qind në 23 për qind, të mjekëve të përgjithshëm me 25 për qind dhe të punonjësve të shëndetësisë me 15 për qind”, theksoi Kociq. /INA


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu