E gjithë Franca e admiron të riun mysliman Ezzedine Hamdi, i cili shpëtoi 17 persona, duke përfshirë një foshnjë, të bllokuar në zjarr.
Sipas France Bleu, një zjarr ka rënë dje në katin e sipërm të një pallati dykatësh në qytetin Romans-sur-Isere.
Ezzedin Hamdi, i cili punon si bukëpjekës pranë ndërtesës, shpëtoi 17 persona. Pavarësisht flakëve, ky i ri trim ka hyrë me ndihmën e një shkalle nga dritarja dhe ka shpëtuar njerëzit.
Shumë në Francë në rrjetet sociale e admirojnë veprimin e shpejtë dhe të guximshëm të këtij të riu. Shumë përdorues të Twitter besojnë se Ezzedin-it duhet t’i jepet Medalja e Nderit për heroizmin e tij.
Baptiste Davis, një nga zjarrfikësit, tha më vonë se flakët në ndërtesë arritën një lartësi prej pesë deri në gjashtë metra.
