Greqia ka refuzuar kërkesën e Turqisë për ekstradimin e 8 ushtarakëve turq që u arratisën nga vendi pas grushtit të shtetit.
Gjykata Supreme e Athinës ka vendosur mosekstradimin e tyre pasi në Turqi mungojnë garancitë e nevojshme për një proces të drejtë.
Tetë ushtarakët që kanë kërkuar azil politik në Greqi mohojnë çdo përfshirje në grushtin e dështuar të shtetit.
Gjykata Superme greke ka urdhëruar më pas lirimin e menjëhershëm të tyre.
Në Turqi sigurisht që nuk janë aspak të kënaqur me këtë vendim, pavarësisht se nuk ka ardhur ende një reagim.
