Skandal i madh në Universitetin e Tetovës, publikohen plagjiaturat e disa profesorëve, të gjithë me tituj të falcifikuar, kanë kopjuar të gjitha punimet shkencore

Revista e njohur “Veritas” në një publikim të fundit ka shpalosur një hulumtim të gjërë mbi plagjiaturën dhe kopjimin në punimet shkencore të disa profesorëve të mjekësisë pranë Universitetit të Tetovës si Nexhbedin Beadini, Sheqibe Beadini, Albulena Beadini, Emira Bexheti, Mirlind Bexheti, Destan Halidi, Ekrem Ismani etj.

Hulumtimi i kësaj reviste është shumë i hollësishëm duke specifikuar saktë çdo pjesë të punimeve të tyre që janë kopjuar dhe më pas janë publikuar si punime të autorëve në fjalë. Hulumtimin e plotë mund ta gjeni duke klikuar KËTU.

Ndërsa në vijim keni një shkrim nga Nisma Intelektuale për Rritjen e Cilësisë në Arsimin Universitar – NIRCAU

Shumë të dashur student, të nderuar profesorë (ju që keni fituar titujt shkencor dhe akademik me meritë), të respektuara media të shkruara dhe elektronike, të nderuar udhëheqës të institucioneve shtetërore dhe ju udhëheqës të partive shqipëtare në pozitë dhe opozitë.

Ne, Nisma Intelektuale për Rritjen e Cilësisë në Arsimin Universitar – NIRCAU, gjatë periudhës një vjeçare mars 2020 – mars 2021 vazhdimisht kemi reaguar për parregullsitë e shfaqura në Universitetin e Tetovës, në veçanti në Fakultetin e mjekësisë. Deri më tani, kemi deponuar në udhëheqësinë e këtij institucioni mbi 15 ankesa për hulumtime të vjedhura të profesorëve dhe doktorantëve të këtij fakulteti dhe avansime jo meritore në titull akademik në këtë fakultet, por….. siç duket ankesat ranë në vesh të shurdhur.

Korrupsioni akademik, ky treg jo i ligjshëm që merret me shitblerje, mashtrim akademik, dhe shumë vepra tjera që janë sinonim i problematikës të cilën e kemi hulumtuar tash e disa muaj, e që konkretisht ka të bëje me hulumtimet plagjitaurë, dhe servohet nga profesorë të këtij fakulteti, të cilat nuk janë pak, e ndërkaq askush nuk po ua zë rrugën e ti ndaloj në kryerjen e kësaj vepre.

Dëmi që shkakton kjo dukuri është i pamatshëm në kontekstin e efekteve që prodhon ajo, duke qenë se kjo dukuri bën të mundur përligjjen e një kuadri të pakompetencë i cili mëpastaj si i tillë do i shërbejë gjeneratave vijuese duke krijuar standarde “normale”.

Edhe pse ky mashtrim akademik ekziston, udhëheqësia e këtij universiteti vazhdon të mbaj sytë mbyllur dhe të shtiren kinse nuk e kuptojnë se profesorët e studentët e tyre, mes tyre Nexhbedin Beadini, realisht nuk janë autorë të atyre hulumtimeve që i proklamojnë.

Kur pritej goditja e këtij fenomeni negativ, informacionet e para që na erdhën, na njoftuan se ndodhi e kundërta, Fakulteti i mjekësisë u bë me një realitet të ri, për dekan dhe zv.dekan u caktuan njerëz aspak kompetent për të luftuar këtë dukuri, staf i shkarkuar para disa viteve për parregullsi dhe shkelje të rënda statutore.

Ne me anë të këtij shkrimi dhe kësaj reviste e pyesim udhëheqësinë e këtij institucioni: “Kush lëshoi shpirtrat e Beadinëve nga shishja?”


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu