Kushton më pak se sa një rezidencë, jaht apo xhet privat, por për të pasurit një pasaportë më shumë është si një trofe.
Edhe personazhet më me pushtet në botë kanë nevojë për një plan të dytë si garanci nëse në shtetin e tyre shpërthen ndonjë revoltë.
Drejtori i “Henley&Partners”, Christian Kalin, i cili ofron këshilla mbi shtetësinë dhe publikon renditjen e kombësive më me vlerë shprehet:
Blerësit e pasur e duan dhe e kërkojnë këtë siguri!”
Politika e marrjes së pasaportës ndryshon në çdo shtet, mirëpo janë 10 shtete të cilat i lejojnë shtetasit e huaj të blejnë një pasaportë pa qenë e nevojshëm të jetosh apo të kontribuosh aty.
Sipas FMN-së, 8 prej tyre janë qendra financiare ofshore. Por, drejtori Kalin shprehet se klientëve të pasur u intereson stabiliteti, jo shmangia e taksave, por edhe duan të mburren.
Ai tha:
Nëse ke një jaht dhe dy aeroplanë, gjëja e tjetër që të duhet është një pasaportë malteze. Është simboli më i fundit i statusit. Kemi pasur klientë që thjesht preferojnë të koleksionojnë disa nënshtetësi.”
