Shumë shqiptarë janë larguar gjatë viteve të fundit nga vendi, por edhe shumë të tjerë janë në pritje të gjetjes së një mundësie të mirë për të bërë një gjë të tillë.
Pasaporta bullgare është kthyer tashmë shpresa më e madhe për shqiptarët, duke u mundësuar atyre qëndrimin në vende të ndryshme të Bashkimit Europian dhe në Angli si dhe lehtësira të shumta në shkollimin e fëmijëve.
Sipas statistikave nga Eurostat, Bullgaria i dha shtetësinë 1626 njerëzve në 2016, një rritje prej 28 përqind krahasuar me vitin 2015.
Sipas Eurostat në vitin 2016, rreth 995 000 njerëz morën shtetësinë e një shteti anëtar të BE, nga 841 000 që ishte në vitin 2015.
Qytetarët e Marokut janë ata që për vitin 2016 kanë numrin më të lartë të marrjes së shtetësisë në një vend anëtar të BE-së.
Më pas ndiqen nga shqiptarët me 67500 raste, ku 97 përqind kanë marrë shtetësinë në Itali dhe Greqi.
Prej kohësh Bullgaria, vendi më i varfër i BE është kthyer në burim shprese për qindra banorë të komunitetit goran të Kukësit, të cilët po emigrojnë masivisht si nënshtetas të Europës, falë pajisjes me pasaporta bullgare
