Me burgim të përjetshëm për marrje të ryshfetit është dënuar një ish-zyrtar i partisë komuniste në Kinë. Ai në këmbim të një pozite të lartë, ka marrë bakshish prej afër 20 milionë eurove.
Sun Zhengcai, është zyrtari i lartë i fundit që ka rënë “viktimë” e kampanjës kundër korrupsionit të presidentit Xi Jinping.
54 vjeçarit do t’i konfiskohen të gjitha pasuritë e fituara jashtëligjshëm, raporton BBC, përcjell KosovaPress.
Presidenti kinez e ka shpallur mision personal rrënimin e korrupsionit tejet të pranishëm në vend. Më shumë se një milion zyrtarë janë dënuar që nga ardhja e tij në pushtet.
Por, as ndaj tij nuk mungojnë akuzat. Kritikët e akuzojnë atë se po e përdorë kampanjën kundër korrupsionit për t’i heshtur kritikët.
