Kapiteni i Barcelonës, Lionel Messi, e ka mposhtur rivalin e vet të përjetshëm, Cristiano Ronaldo, duke e mbyllur dekadën si golashënuesi dhe asistuesi më i mirë në pesë ligat kryesore evropiane.
Kompania britanike për mbledhjen e të dhënave në sport, Optajoe, e ka bërë një përmbledhje të golashënuesve, asistuesve dhe kreativëve më të mirë të 10 vjetëve të fundit në pesë ligat kryesore evropiane; Premierligë, La Liga, Serie A, Bundesliga dhe Ligë 1, raporton Gazeta Express.
Messi është golashënuesi më i mirë i dekadës me 369 gola, duke e lënë prapa yllin e Juventusit Ronaldon me 335.
Argjentinasi e mbyll dekadën me 34 gola më shumë se rivali i tij portugez.
I treti në listë është Edinson Cavani i PSG-së me 223 gola. Robert Lewandowski i katërti me 221 dhe Luis Suarez i pesti më 210.
Messi është asistuesi më i mirë i kësaj dekade, po ashtu. Ylli i Barçës ka asistuar 136 herë në dhjetë vjetët e fundit. Pas tij renditen Angel Di Maria me 108 asiste dhe Mesut Ozil me 106 asiste.
Ronaldo është i pesti në listën e asistuesve më të mirë të dekadës, me 98 asiste, prapa Thomas Muller që i ka 103 asiste në vendin e katërt.
Ndërkohë, lojtari më kreativ i dekadës është mesfushori i Marseille Dimitri Payer, me 974 paraqitje kreative.
I dyti është Mesut Ozil me 916 paraqitje kreative, ndërsa i treti Eden Hazard me 830.
Messi, është vetëm i pesti, me 789 paraqitje kreative. Ai ngel prapa David Silva që ka 812 paraqitje kreative në vendin e katërt.
Ronaldo nuk është në top 10 lojtarët më kreativë të kësaj dekade.
FOTO:
369 – Lionel Messi scored more goals within the top five European leagues than any other player in the 2010s; 34 ahead of Cristiano Ronaldo. Rivals. #Opta2010s pic.twitter.com/1OK8kBqTSP
— OptaJoe (@OptaJoe) December 30, 2019
136 – Lionel Messi also posted the most assists in the last decade within the top five European leagues (136); 28 more than any other player in the 2010s. Ridiculous. #Opta2010s pic.twitter.com/MW1iTs6jzf
— OptaJoe (@OptaJoe) December 30, 2019
974 – Dimitri Payet created more goalscoring chances than any other player within the top five European leagues in this decade; 58 more than the next best, Mesut Ozil (916). Baller. #Opta2010s pic.twitter.com/H3KKxnWW5J
— OptaJoe (@OptaJoe) December 30, 2019
