Kontrata e Messit me Barcelonën skadon vitin e ardhshëm, por ai mund të largohet që këtë verë nga “Camp Nou”. Por, ai e ka thënë disa herë se nuk e mendon largimin nga ekipi spanjoll.
“Mundo deportivo”, shkruan se Messi do të dëshironte të rinovonte çdo vit, bazuar në formën e tij. Ai nuk do të lejojë që të përqeshet me fanellën e Barcelonës dhe do të largohet nëse e ndien veten se nuk mundet ta ndihmojë më ekipin. Messi do të vlerësojë gjendjen e tij fizike nga viti në vit.
