Kemal Ademi ka qenë njëri nga lojtarët më të përfolur ditëve të fundit në Kosovë. Telegrafi ka marrë vesh ekskluzivisht nga burimet e saj brenda Federatës së Futbollit të Kosovës, që lojtari ka bërë kërkesë për të luajtur për Dardanët.
Lojtari ka kontaktuar me presidentin e FFK-së, Agim Ademi të cilit i ka thënë se dëshiron që ta përfaqësojë Kosovën.
24-vjeçari së fundmi ka kompletuar transferimin te Fenerbahce nga Baseli dhe shihet si një opsion shumë i mirë për repartin ofensivë.
Telegrafi në konferencën për shtyp ka pyetur trajnerin Bernard Challandes, nëse do ta mirëpriste Ademin në Përfaqësuese për ndeshjet e nëntorit.
Zvicerani ka thënë se ka biseduar më parë me Kemal Ademin, i cili kishte zgjidhje të parë përfaqësuesen helvetike.
“Kam folur me të dhe i kam thënë të vije te Kosova. Ai ka vendosur për Zvicrën, por tani nuk e di se çfarë janë mundësitë”.
