Presidenti i ri i Republikës së Shqipërisë, Bajram Begaj, do të vizitojë Kosovën të hënën, më 15 gusht, me ftesë të homologes së tij kosovare, Vjosa Osmani, që do të jetë vizita e tij e parë zyrtare në një vend pas marrjes së detyrës si kreu i Shqipërisë. më 24 korrik të këtij viti, transmeton InfoShqip.
Siç ka bërë të ditur zyra e Osmanit, ajo ka ftuar Begajn të vizitojë Kosovën, me rastin e fillimit të mandatit të tij si president i Shqipërisë.
Sipas agjendës, të hënën në mëngjes Begaj do të pritet nga Osmani me nderime të larta shtetërore në shesh, pas së cilës dy presidentët do të kenë një takim bilateral, pas së cilës do të japin deklarata për media.
Gjatë qëndrimit në Prishtinë, Begaj pritet të ketë takime edhe me drejtues të tjerë të institucioneve të Kosovës.
Bajram Begaj, i lindur në vitin 1967, me profesion profesor dhe specialist i mjekësisë, po ashtu i angazhuar në ushtrinë shqiptare, u zgjodh nga Kuvendi i Shqipërisë President i Republikës më 4 qershor dhe mori detyrën nga paraardhësi i tij, Ilir Meta, më 24 korrik./InfoShqip.com
