Turqia thotë se ka filluar të kërkojë prova të sigurimit nga cisternat që transportojnë naftë ruse, ndërsa Moska ka shprehur shqetësim për cisternat e naftës që ngecin në Bosfor, transmeton InfoShqip.
Të paktën 20 cisterna nafte që janë në radhë në Turqi po përballen me vonesa më të gjata duke lëvizur nga portet ruse të Detit të Zi në Mesdhe, ndërsa operatorët garojnë për të respektuar rregullat e reja turke të sigurimit të prezantuara përpara se G7 të frenonte çmimet e naftës ruse.
Rusia është duke negociuar me kompanitë e sigurimeve dhe transportit për këtë çështje, njoftoi agjencia e lajmeve RIA deklaratën e zëvendësministrit të Jashtëm rus Aleksandër Grushko.
“Jemi në dijeni të situatës. Natyrisht, kjo na shqetëson nga pikëpamja e interesave të operatorëve tanë. Po e diskutojmë këtë problem me kompanitë e transportit dhe sigurimit. Në fund të fundit, kompanitë e sigurimeve sigurojnë, jo shteti”, tha Grushko.
“Nëse problemi nuk zgjidhet, sigurisht që do të ketë ndërhyrje në nivel politik”.
Autoritetet detare turke publikuan një dokument, të parë nga Reuters muajin e kaluar, duke kërkuar garanci shtesë nga siguruesit që tranziti përmes Bosforit do të sigurohet nga fillimi i këtij muaji.
Rregulli i ri turk I sigurimeve
Ndërprerjet në trafikun e cisternave nga portet ruse të Detit të Zi në Mesdhe janë rezultat i rregullit të ri të sigurimit të Turqisë, jo tavanit të çmimeve të naftës ruse të rënë dakord nga koalicioni G7 dhe Australia, tha zyrtari i grupit.
Por zyrtari turk mohoi se masa ngadalëson kalimin e anijeve të naftës në tregjet botërore përmes ngushticës së Bosforit dhe Dardanelit.
Bashkimi Evropian dhe G7 ranë dakord javën e kaluar të parandalojnë siguruesit perëndimorë që të sigurojnë anijet që synojnë të shesin naftën ruse për më shumë se 60 dollarë për fuçi.
Një burim i tha AFP se zyrtarët turq filluan të kërkonin prova të sigurimit nga cisternat që kalonin nëpër Rusi në fillim të muajit.
Një burim zyrtar i tha AFP në kushte anonimiteti se autoritetet “duan të jenë të sigurt për mbulimin” pasi siguruesit perëndimorë filluan ta anulojnë atë.
‘Fenomeni normale gjatë stinës së dimrit’
Një zyrtar turk i paidentifikuar i tha agjencisë së lajmeve Anadolu se “shumica e siguruesve ndërkombëtarë” nuk e sigurojnë më naftën bruto ruse.
“Zoti na ruajt, nëse ndodh një aksident në ngushticë, kush do ta mbulojë dëmin që mund të arrijë miliarda dollarë? Kush do të ishte përgjegjës?”, pyeti zyrtari turk.
Ai hodhi poshtë gjithashtu raportet e mediave perëndimore që sugjeronin se rregullat e reja të Turqisë kishin krijuar bllokim të cisternave në dy ngushticat. Zyrtari tha se nuk kishte ndryshime “të rëndësishme” në trafikun detar dhe se Turqia mund të marrë masa shtesë për “të parandaluar bllokimin“.
Kazakistani, një eksportues i madh i naftës, tha të mërkurën se akumulimi i cisternave të naftës në Bosfor është normal gjatë sezonit të dimrit.
“Në Bosfor dhe në Dardanele, tani për tani ka një pritje gjashtëditore. Për stinën e dimrit, kjo është një pritje normale; Vitin e kaluar, pritja në ngushticat në dhjetor ishte rreth 14 ditë”, tha në një deklaratë Ministria e Energjisë e Kazakistanit./InfoShqip.com
