Shtëpia e Bardhë ka publikuar imazhe nga brenda “Dhomës së Situatave” ndërsa Donald Trump mbajti një takim të Sigurisë Kombëtare.
Imazhet tregojnë presidentin, zëvendës-presidentin JD Vance, sekretarin e shtetit të SHBA-së, Marco Rubio dhe zyrtarë të tjerë amerikanë duke parë sulmet që u kryen në tre nga objektet bërthamore të Iranit.
Kujtojmë se SHBA ka thënë se ka goditur tri vendet kryesore në programin bërthamor të Iranit.
ImageImazhe nga brenda “Dhomës së Situatave” ndërsa SHBA-të sulmuan IraninFOTO GALERI
Ato përfshijnë Isfahanin, vendndodhjen e një baze të rëndësishme kërkimore, si dhe objektet e pasurimit të uraniumit në Natanz dhe Fordow.
Dhe presidenti amerikan Donald Trump deklaroi se objektet bërthamore të Iranit janë “plotësisht dhe tërësisht të shkatërruara”.
Imazhe nga brenda “Dhomës së Situatave” ndërsa SHBA-të sulmuan IraninFOTO GALERI
Ai i cilësoi sulmet amerikane si një “sukses ushtarak spektakolar”, pa dhënë shumë detaje rreth vetë sulmit.
“Irani, ngacmuesi i Lindjes së Mesme, tani duhet të zgjedhë paqen”, theksoi ai. “Nëse nuk e bën, sulmet e ardhshme do të jenë shumë më të mëdha dhe shumë më të lehta për t’u realizuar”.
