Galatasaray raportohet se po planifikon një nga transferimet më të guximshme në historinë e futbollit: të tërheqë Lionel Messin në huazim katërmujor gjatë pushimit të mes-sezonit të MLS, në prag të Kupës së Botës 2026.
Sipas gazetarit turk Zeki Uzundurukan, gjigantët e Stambollit janë në kontakt të drejtpërdrejtë me yllin 38-vjeçar të Inter Miami dhe përfaqësuesit e tij, të gatshëm t’i barazojnë pagën prej 10 milionë eurosh për periudhën e huazimit.
Uzundurukan zbuloi në Transfer TV se skautët e Galatasarayt e kanë ndjekur nga afër Messin, duke e parë këtë pushim të shkaktuar nga formati i zgjeruar i turnout, si mundësinë perfekte për argjentinasin që të rikthejë formën në Europë.
Pas afrimeve të bujshme si Leroy Sane dhe Victor Osimhen, Galatasaray e sheh Messin si goditjen përfundimtare për të synuar lavdi kombëtare dhe evropiane.
“Ne do t’i paguajmë paratë”, citoi Uzundurukan drejtuesit e klubit, duke theksuar planin financiar për të mbuluar pa problem pagën e fituesit të Kupës së Botës.
Nëse ky transferim realizohet, ai do të tejkalonte çdo marrëveshje në historinë e futbollit turk, duke bashkuar misionin e Messit për të mbrojtur titullin botëror me atmosferën elektrizuese të Stambollit./Telegrafi/
Zeki Uzundurukan: “Menajerler, Messi’yi Galatasaray’a önerdi. Messi’nin MLS’de eline geçen para 10 milyon euro. Galatasaray yöneticileri, bu parayı biz öderiz demiş. Galatasaray’ın scoutları uzun süredir Messi’nin durumunu takip ediyormuş.”pic.twitter.com/rnHySorPGl
— Club Regista (@ClubRegista) November 5, 2025
