Sllovenia ka miratuar ndryshime në Ligjin për shoferët, të cilat u lejojnë mbajtësve të patentave të shoferëve të lëshuara në Maqedoninë e Veriut të ndryshojnë dokumentet e tyre pa dhënë pjesën praktike të provimit, me kusht që të kenë vendbanim të rregulluar në Slloveni.
Vendimi i miratuar dje përfaqëson lehtësim të konsiderueshëm për qytetarët nga Maqedonia e Veriut që jetojnë dhe punojnë në Slloveni, dhe vlen edhe për mbajtësit e patentave të shoferëve nga Bosnja dhe Hercegovina, Serbia, Mali i Zi dhe Kosova.
Sipas rregullave të reja, shoferët nga Maqedonia e Veriut do të jenë në gjendje të ndryshojnë patentat e tyre brenda një viti nga data e regjistrimit të vendbanimit në Slloveni. Ata nuk do të duhet të japin pjesën praktike të provimit të shoferëve, por do të duhet të paraqesin ende prova të aftësisë mendore dhe fizike për të drejtuar.
