Aktori i njohur i humorit Julian Deda ka reaguar ashpër pas arrestimit të ish-pronarit të universitetit “Kristal”.
Sipas aktorit pas arrestimit të Muçajt duket të pushohen nga puna 30% e deputetëve të Parlamentit të Shqipërisë.
Deda nuk përjashton asnjë krah politik, madje bën akuzën e rëndë se edhe ministrja e Arsimit, Lindita Nikolla ka një diplomë nga “Kristali”.
“Nese arrestohet pronari i ish-Kristalit per dhenie diplomash fallco, i bie te pushohen nga puna 30% e deputeteve te Parlamentit, sepse kane nje te tille.
Majtas dhe djathtas, perfshi ketu edhe ministren e arsimit..!
Apo jo more miq…!?”- shkruan Julian Deda në Facebook.
Ditën e djeshme policia e Tiranës vuri në pranga Ahmet Muçajn me akuzën e rëndë, falsifikim diplomash.
Muçaj vazhdonte të shiste diploma fallco për 2500 euro pavarësisht se universiteti i tij ka më shumë se 3 vite i mbyllur. /albeu.
