Nëntëdhjetë e tre për qind e qytetarëve të Maqedonisë situatën aktuale politike në vend e përjetojnë si të tensionuar, kritike dhe të paqëndrueshme. 65 për qind mendojnë se vendi po lëviz në drejtim të gabuar, tregon anketa e kryer nga Instituti Kombëtar Amerikan Demokratik (NDI). Thuajse çdo person i tretë i anketuar konsideron se përgjegjës për krizën politike janë VMRO DPMNE-ja dhe presidenti Gjorge Ivanov. Për 13 për qind të të anketuarve problemi qëndron në Platfоrmën e partive shqiptare, ndërsa rreth 11 për qind e drejtojnë gishtin nga LSDM-ja.
Ndërkohë, NDI – Institui Amerikan tregon se pas zgjedhjeve te shqiptarët përqindja e mbështjetes ndaj partive ka ndryshuar, kështu Lëvizja BESA ka ngritje për 8% pas zgjedhjeve paralamentare, kurse BDI-ja te shqiptarët pas zgjedhjeve ka shënuar rënie për 23 %.
Lidhur me këtë anketë zyrtari i BESËS, Amir Elezi ka shkruar: “Sipas një studimi të institutit amerikan NDI, vetëm Lëvizja BESA ka rritje të përkrahjes pas zgjedhjeve me 8%. Populli përkrah BESËN, sepse BESA është me popullin.”
