Me 9 prill bëhen 19 vjet nga kjo betejë e lavdishme, e deputetit të LDK-së që ishte njëri ndër protagonistët e kësaj beteje, Anton Quni, ka rrëfyer ekskluzivisht detaje për “Bota sot” rreth kësaj beteje.
Ai veçon një moment në Koshare, ku e kanë zënë rob një ushtar serb, dhe tregon se si ai dridhej nga frika.
Na e tregoni një ngjarje më interesante që keni përjetuar në Koshare?
“Anton Quni”: Ka shumë të tilla, por do e veçoja marrjen në pyetje të ushtarit serb i zënë rob nga ushtaret tanë.
Ndër të tjera e pyeta se a e kishte në plan që ndonjë herë ta vizitonte Shqipërinë. Ai u përgjigj me- jo kurrë.
I urova mirëseardhje në Shqipëri. Kur e kuptoj se tani më gjendet në Shqipëri, u tmerrua, filloj të dridhej nga frika dhe i humbi shpresat qe ndonjë herë do të kthehej në vendlindjen e tij në Nish.
Ai u trajtua sipas konventave ndërkombëtare për robërit e luftës.
