Aleanca për Shqiptarët (ASH) ka shprehur solidarizim me banorët e Koçanit, i cili është përfshirë nga flakët. Nga kjo parti Kanë ftuar institucionet, qytetarët dhe kompanitë private të cilët disponojnë makineri adekuate, të ndihmojnë në shuarjen e zjarrit.
Reagimi i plotë i ASH-së:
“Të shqetësuar nga situata kritike me zjarret në rajonin e Koçanit, shprehim solidarizim me banorët, zjarrëfikësit dhe të gjithë ekipet e angazhuara në luftën me stuhinë e zjarrit.
Ju bëjmë thirrje institicioneve, por edhe qytetarëve dhe kompanive private të cilët disponojnë me makineri dhe mjete adekuate të kontribuojnë në aksionin e shpëtimit.
Këto janë situata kur të gjithë duhet të solidarizohemi dhe angazhohemi për të parandaluar tragjedi më të mëdha.
Aleanca për Shqiptarët ju bën thirrje qytetarëve në të gjitha zonat e vendit, veçanërisht ata që janë në rrezik permanent, të rrisin nivelin e kujdesit. Ftojmë Qeverinë dhe institucionet që poashtu të jenë vigjilente dhe më të përgjegjshëm në menaxhimin dhe parandalimin e rreziqeve nga zjarret.”, shkruan Aleanca.
