Në një ndeshje barazhi për inkuadrim në Ligën e parë suedeze, është zhvilluar takimi në mes ekipit Brommapojkarna dhe AFC Eskilstuna. Ndeshja e parë kishte përfunduar në të mirë të ekipit Brommapojkarna, me rezultat minimal 1:0.
Heroi i ndeshjes padyshim se ishte futbollisti shqiptar Bajram Ajeti, i cili për koinçidencë, në fillim të sezonit ishte mu lojtar i Brommapojkarna, ndërsa në këtë takim është dashur të përballet me ish ekipin e tij, informon Albinfo.ch. Pas disa mosmarrëveshjeve, ai largohet nga Brommapojkarna dhe në qershor të këtij viti, bëhet anëtar i AFC Eskilstuna.
Një ndeshje me shumë emocione, pasi Bajrami ishte sfiduar nga ish ekipi i tij, ndërsa rezultati i ndeshjes nga takimi i parë ishte në favor të Brommapojkarna.
Gjithçka po shkonte në favor të vendësve, pasi deri në minutën 75, rezultati ishte 1:1, me golat e shënuar nga Ohman në minutën 39 dhe Nnamani në ate 65.
Ishte Bajram Ajeti, futbollisti vendimtar që ekipin e tij AFC Eskilstuna e shpiu në rangun më të lartë të futbollit sudeze, me një gol të shënuar në minutën 75`. Një gëzim i papërshkruar i Bajramit dhe tifozëve mysafirë.
Pas ndeshjes, Bajrami deklaroi: “Ishte shkruar që unë do të vendosja”. Nga ana tjetër, në ndeshje ka qenë i aktivizuar edhe futbollisti tjetër shqiptar Anel Raskaj, i cili enkas për Albinfo.ch, deklaroi: “Loja ishte shumë emocionuese, pasi në ndeshjen e parë humbëm me rezultat 1:0.
Në ndeshjen e kthimit ishim në disavantazh 1:0 deri minutën 56`, por arritëm të bëjmë kthesë dhe me dy gola si mysafir, ia arritëm qëllimit. Ka qenë një ndjenjë e veçantë, pasi tërë sezonin e kemi dhënë maksimumin dhe mendoj se e merituam inkuadrimin në elitën më të mirë të futbollit suedez. Në këtë ligë zhvillohen ndeshje të forta, me shumë shikues dhe jam shum i lumtur se do të përballemi me këtë realitet, pqasi më pëlqen të luaj kundër skuadrave të mira dhe me shumë tifozë”, ka përfunduar Aneli.
