Barcelona planifikon të heqë qafe katër futbollistë në afatin kalimtar të janarit. Gjigandët katalanas duan të sjellin Eric Garcia nga Manchester City dhe Memphis Depay nga Lyon në janar, dhe për ta bërë këtë, ata duhet të shesin disa lojtarë.
Sport pretendon se Ronald Koeman, trajneri i Barcelonës, tashmë ka përpiluar një listë të lojtarëve të cilëve nuk u beson në pjesën e dytë të sezonit. Këta janë Samuel Umtiti, Junior Firpo, Carles Alena dhe Riqui Puig.
Umtiti, i cili kishte probleme me lëndime, nuk arriti t’i imponohet Koeman dhe mund të vazhdojë karrierën e tij në Angli për 20 milionë euro, Firpo është gjithashtu në prapavijë dhe ai mund të shkojë në Itali. Umtiti luajti vetëm 55 minuta këtë sezon dhe Firpo 256.
Barcelona po i mbështetet shërbimeve të Alen dhe Puig në të ardhmen, kështu që nuk planifikon t’i shesë, por t’i dërgojë në huazim. Puig, i cili ishte akuzuar më parë nga Koeman se ishte një spiun dhejepte informacione nga dhoma e zhveshjes, mund të shkoj në Milan ose Arsenal.
