Kryeministrja e Serbisë, Ana Brnabiq, tha sot se presidentja e Serbisë “ende po shqyrton nëse do të shkojë në Samitin BE-Ballkani Perëndimor në Tiranë” më 6 dhjetor, transmeton InfoShqip.
Brnabiq tha për televizionin Pink se beson se “është e rëndësishme që ai të jetë në Tiranë, sepse askush nuk ka kredibilitet të tillë si Aleksandar Vuçiq”, dhe se Bashkimi Evropian ka treguar “hipokrizi të pabesueshme” në lidhje me liberalizimin e shpallur të vizave për Kosovën.
Duke folur për dështimet e autoriteteve nga Prishtina, për të cilat ajo vlerësoi se Bashkimi Evropian nuk i ka marrë parasysh gjatë marrjes së këtij vendimi, Brnabiq tha se Qeveria e Kosovës e kryesuar nga Aljbin Kurti “ua ndaloi serbëve të votojnë dy herë”, që është “brutale” shkelje e Marrëveshjes së Brukselit”.
Brnabiq tha se emërimi i Nenad Rashiqit ministër për Komunitete dhe kthimi i tij “në të ashtuquajturën Qeveri të Kosovës si përfaqësues i serbëve”, si dhe emërimi i Rada Trajkoviqit në postin e tij, në vend të ministres nga Lista Serbe, e cila dha dorëheqjen me ftesë të Beogradit, bazohej në “1500 vota” aq sa partia e Rashiqit mori në zgjedhjet e Kosovës, krahasuar me Lista Srpska, e cila mori “30 herë më shumë vota” në ato zgjedhje./InfoShqip.com
