Një natë për t’u harruar sa më shpejt të jetë e mundur, dy gabime të shndritshme, që kanë ndezur goleadën e Juventusit në finalen e Kupës së Italisë. Gianluigi Donnarumma do ta kujtojë gjatë këtë finale, fatale për kuqezinjtë, që tani duhet të luftojnë për qasje në “Europa League” si të gjashtët në klasifikimin e kampionatit italian.
Mbi performancën e portierit të datëlindjes 1999 peshojnë pasiguritë gjatë golit të dytë dhe të tretë të Juventusit. Në fund të zhgënjimit të madh në një ndeshje të tillë vendimtare, e cila mund të ishte pikë kthese për një cikël të ri suksesesh të kuqezinjve, në mbrojtje të Donnarumma ka dalë Gigi Buffon, i cili nuk humbi kohë për ta mbështetur pas gabimeve të së mërkurës.
Portieri i Juventusit iu afrua kolegut kuqezi dhe i tha: “Ju ende nuk i keni mbushur 20 vjeç…” Kësisoji, veterani bardhezi e ka bërë atë të kuptojë se përpara ka një karrierë të tërë dhe se ka mjaft kohë të ndërtojë rezultate të rëndësishme.
Një lloj dorëzimi ka ndodhur në një mbrëmje jo shumë të këndshme për Donnarumma, por të tilla finale të rëndësishme, për mirë, ose për keq, ndikojnë në rritjen e tij profesionale. Pavarësisht nëse ai është trashëgimtar i Buffonit…
