Shkronjat për një komb janë të shenjta , shkronjat janë ato që edhe mund t identifikojnë një popull të tërë , sa do i madh që të jetë . Shkronjat janë të arta , janë të arta për një komb të tërë dhe pa shkronja nuk mund të ketë një alfabet për kombin.
“Shkronjat bëjnë kombin të quhet komb , po të mos ketë shkronja shqip , dituria e kombeve të tjera do të na mbysë , nuk do të dëgjohet më fjala shqiptar e shqip .” – thoshte kleriku i nderuar Papa Kristo Negovani , i vrarë nga shovinistët grekë në pabesi . Grekët dëshirojnë t’a fshehin këtë , por e vërteta nuk do të mund të fshihet kurrë .
Në botën tonë , në këtë planet që quhet tokë , dihet se të gjithë popujt , kanë historinë , kulturën dhe po ashtu gjuhën e vet . Në trojet shqiptare ka pakica kombëtare si p.sh grekët , serbët , goranët , turqit etj ., dhe këta kanë në shkollat e tyre gjuhën e rrënjëve të tyre , por vetëm nëse banojnë në zona të cilat janë shumicë aty.
Kombi jonë e dashur , gjuhë të shenjtë e ka gjuhën e bukur shqipe . Këtë gjuhë të perëndisë , gjuhë me të cilën zbërthehen fjalët e panjohura , zbërthehen emra të perëndive dhe hyjnive të lashtë si Homeri , Athina , Zeusi , Afërdita etj . Këto emra vetëm një gjuhë mund t’i zbërthej . Ajo është gjuha shqipe . Shkronjat e emrave të këtyre hyjnive janë shkronja të arta shqipe.
Gjatë kohës së Perandorisë Osmane , neve nuk na kanë lejuar osmanët , që të përdorim gjuhën tonë shqipe në shkolla dhe ky mos-lejim i gjuhës shqipe nga turqit dhe futja e gjuhës turke në trojet shqiptare , ndikoi në asimilimin e popullit në trojet e veta .
Falë rilindasve tanë , që punuan në të mirë të atdheut në vendet e jashtme , shumica e popullit i shpëtoi asimilimit . Duhet të mësohej gjuha shqipe në një mënyrë në trojet tona .
Më 7 mars 1887 , u hap shkolla e parë shqipe në Korçë nga Pandeli Sotiri , për t’i lënë hapësirë fëmijëve , që të mësojnë shkronjat shqipe . Sigurisht pushteti osman nuk lejonte të mësoheshin shkronjat shqipe , prandaj këto mësime në shqip , mbaheshin në fshehtësi për të mos lejuar mbylljen e shkollave nga turqit . Nga kjo mund të themi , që ndalimi i gjuhës tënde në vendin tënd është një krim kulturor.
Më 15-22 nëntor u mbajt Kongresi i Manastirit më 1908 për të krijuar alfabetin në gjuhën (shkronjat) shqipe . Në të u vendos që të zëvendësohej alfabeti arab me alfabetin latin . Por pushteti osman nuk lejonte , që të ndryshohej alfabeti arab me atë latin . Erdhi edhe momenti historik që të krijohej alfabeti shqip në shkronjat dhe gjuhën shqipe , sepse mjaft më kishim duruar me shkronja arabe , shkronja dhe alfabet që nuk na përket neve .
Çfarë mund të jetë një komb pa gjuhën e vet ? Pa shkronjat e veta ? Nuk mund të jetë një komb fare , sepse shkronjat (shqip) bëjnë kombin (shqiptar) të quhet komb.
Pra ne vijmë në përfundim që pa shkronja nuk ka arsimim e mbi të gjitha nuk ka as komb .
Shkronjat formojnë fjalët dhe fjalët formojnë fjali (të ndryshme) . Kështu është gramatika në gjuhën shqipe . Bërthama e të gjitha këtyre është shkronja . Shkronjat bëjnë një komb siç jemi ne kombi shqiptar . Jemi shqiptar dhe jemi krenar që kemi shkronjat tona shqipe , që krijojnë gjuhën tonë.
Shqiptarët shkruajnë me shkronjat shqipe dhe shkronjat formojnë gjuhën tonë shqipe . Një komb pa shkronjat e veta , nuk është komb . Asnjë shqiptar nuk guxon të mos shkruajë e të mos lexojë në gjuhën dhe shkronjat shqipe.
