Mevlani, Antonela dhe Ledjana janë kthyer në treshen më të komentuar në Shqipëri, pas pjesëmarrjes së tyre në emisionin “Për’puthen”.
Që prej ardhjes së Antonelës, e cila gjithashtu shfaqi si Ledjana pëlqim për Mevlanin, vajzat janë “grirë” me njëra-tjetrën për një djalë!
Shpesh në studio e jashtë saj, Ledjana dhe Antonela janë kapur me njëra-tjetrën e kanë hedhur thumba si përballë, ashtu edhe në rrjete sociale, teksa secila prej tyre përpiqet të bëjë për vete Mevlanin.
Ky i fundit ende s’ka ndarë mendjen cilën pëlqen më shumë, ndërsa “lufta” mes vajzave vazhdon çdo ditë.
Mirëpo, s’e dimë ç’ndodhi papritur mes “trekëndëshit të Bermudës”, siç të gjithë i quajnë me humor dhe duket se Antonela ka hequr dorë nga konkurrenti.
Tashmë, ajo është e bindur se Mevlani dhe Antonela do të dalin të përputhur së bashku nga programi, siç edhe komenton në një konkurs ku ndjekësit pyeten se cili çift do të dalë i pari bashkë.
“Ledjana, Mevlan. Ku mund ta marr dhuratën unë?” – shkruan ajo, ndërsa komenti i bëri përshtypje të gjithëve.
Më herët, Mevlani lançoi një këngë për të dyja vajzat.
“KÇK” (Kap ça të kapësh) titullohet kënga në bashkëpunim me Sabianin, si version i ri i këngës së tij “Binjaket”.
Kë të marrë e kë të lërë mes bjondes dhe brunes është dilema më e madhe e Mevlanit në këngë, ndërsa në videoklip shfaqet edhe opinionisti i emisionit, Arjan Konomi.
