Kryetari i Kuvendit të Serbisë, Ivica Daçiq, ka thënë se marrëdhëniet midis Serbisë dhe SHBA-ve kanë përjetuar një trend të madh pozitiv në vitet e fundit. Sipas tij, të dyja vendet nuk i “shtynë nën tepihë” disa mosmarrëveshje, veçanërisht rreth Kosovës por kanë vazhduar tutje.
Daçiq tha se Serbia pret që presidenti i ri amerikan Joe Biden dhe administrata e re amerikane të përdorin trendin rritës të marrëdhënieve të ndërsjella dhe, nga ana e tyre, do të vazhdojnë ta pasurojnë atë me lloje të reja të bashkëpunimit.
