Takimi i sotëm ishte një mundësi për të siguruar një takim mes kryeministrit Kyriakos Mitsotakis dhe Presidentit turk Rexhep Tajip Erdogan në samitin e NATO-s. Kështu është shprehur Ministri i Jashtëm grek Nikos Dendias në një deklaratë të përbashkët me homologun e tij turk Mevlüt Çavuşogυlu.
Kujtojmë këtu se samiti i NATO-s është planifikuar që të mbahet më 14 qershor në Bruksel.
Ministri i Punëve të Jashtme deklaroi se në fokus të takimit do të jenë të gjitha çështjet që kanë të bëjnë me marrëdhëniet dypalëshe midis Greqisë dhe Turqisë, por edhe marrëdhëniet e BE – Turqi.
“Ne jemi plotësisht të vetëdijshëm për pozicionet e ndryshme dhe, veçanërisht mjaft serioze, për pozicionet diametralisht të kundërta që ne përfaqësojmë”, tha Dendias, duke shtuar se “qëllimi i takimit të sotëm ishte që të niset një proces i parë negociimi dhe, nëse është e mundur, një normalizimi gradual i situatës në planin afatgjatë “.
Po ashtu, sipas Dendias, u ra dakord për një listë të kufizuar të programeve të bashkëpunimit ekonomik, si dhe njohjen reciproke të certifikatave Covid. Nga ana tjetër, ministri i Jashtëm turk e falënderoi Dendias për mikpritjen e ngrohtë në Greqi.
