Deputetja e AAK-së, Time Kadrijaj i ka reaguar Komisionerit për Zgjerim të BE-së, Oliver Varhelyi.
Pasi Varhelyi tha se Kosova ka përmbushur kriteret për liberalizim vizash por disa shtete të BE-së duhet bindur, Kadrijaj i ka reaguar atij duke i thënë se çfarë fuqie ka BE’ja kur as vendet anëtare nuk ka fuqi t’i ketë nën menaxhim.
Ajo ka shkruar po ashtu se BE’ja i ka hy në hak Kosovës, e nëse dëshiron kthimin e besimit të popullit të Kosovës ndaj tyre, duhet t’i liberalizoj vizat.
Postimi i plotë pa ndërhyrje:
“Sot në Kosovë po qëndron Komisioneri për zgjerim i Bashkimit Evropian, Oliver Varhelyi, i cili prapë e konfirmoi se Kosova ka përmbushur kriteret për liberalizim të vizave.
E pakuptimtë deklarata e tij derisa ende spo mund t’i bindin disa vende që të ju lejohet popullit të Kosovës lëvizja e lirë.
Atëherë i nderuar, cila është fuqia e BE-së kur as vendet anëtare nuk ka fuqi t’i ketë nën menaxhim.
BE-ja i ka hy në hak Kosovës, e nëse dëshiron kthimin e besimit të popullit të Kosovës ndaj tyre, duhet t’i liberalizoj vizat!”-përfundon ajo.
