Një ngjarje e çuditshme ka ndodhur pak ditë më parë në Britaninë e Madhe, ku një burrë është filmuar nga kamerat e sigurisë duke hapur një vrimë në pishinën e komshiut me qëllimin nxjerrjen e saj jashtë funksionit.
63 vjeçari, Stephen Gee është duke u gjykuar me akuzën e prishjes së pronës private pasi një natë ai mori një mjet prerë duke hapur vrima në pishinën e komshiut të tij, shkruan Albeu.com.
Veprimi i ish-ushtarakut erdhi pasi fëmijët e komshiut bënin shumë zhurmë duke luajtur në pishinë duke i prishur qetësinë.
Gjykata ka vendosur që 63-vjeçari të mos i afrohet familjes në fjalë duke dhënë urdhër mbrojtjeje për ta. /albeu
