E gjithë struktura drejtuese e LSDM-së ka dhënë dorëheqje gjatë mbledhjes së djeshme të Kryesisë së Partisë, pas kërkesës së kryetarit Vеnko Filipçe. Dorëheqjet janë paraqitur zyrtarisht në Këshillin Qendror të partisë dhe te vetë kryetari, i cili po udhëheq procesin e reformave të brendshme.
Nga sot, pjesë e udhëheqësisë së LSDM-së më nuk janë: nënkryetarja Fani Karanfilova-Panovska, nënkryetarët Каја Shukova, Kristina Kostova, Metodija Ilievski dhe Ana Çupeska, si dhe sekretari i përgjithshëm Aleksandar Dimitrijeviq. Dorëheqje kanë dhënë edhe sekretarët organizativë dhe të gjithë anëtarët e Bordit Ekzekutiv.
Sipas njoftimit të partisë opozitare, ky hap u ndërmor pas rezultateve të pakënaqshme në komunat e Shkupit. Me këtë veprim, LSDM thotë se po hapet rrugë për një “kapitull të ri” – përfshirje të kuadrove të reja, riorganizim të strukturave dhe mobilizim të brendshëm.
Në njërën nga mbledhjet e ardhshme të Këshillit Qendror, kryetari Филипче pritet të propozojë përbërjen e re të organeve partiake dhe, sipas LSDM-së, për pozitat udhëheqëse do të zgjidhen “personat më kompetentë”.
