Reperi Mozzik u gjet në qendër të vëmendjes pas një incidenti në doganë, ku u ndalua për verifikim rreth origjinës së dy orëve të tij luksoze, një Richard Mille dhe një Rolex.
Vëllai i tij, Getinjo, reagoi me ironi duke shkruar: “Mos bëni zhurmë, vetëm gjeneratori bën zhurmë”, por ishte reperi tjetër Noizy ai që e thelloi debatin.
Kujtojmë se marrëdhënia mes dy artistëve është e tensionuar prej kohësh, pas një bashkëpunimi të suksesshëm që më pas u fshi.
Noizy publikoi në Instastory një postim tallës, ku ndau një faqe që tregton imitim orësh luksoze me mbishkrimin “E du edhe unë një kështu urgjent”.
Ky veprim u interpretua nga publiku si një thumbim i drejtpërdrejtë ndaj Mozzik, duke aluduar se orët e tij nuk janë origjinale.
Postimi i Noizy-t ndezi menjëherë debatin në rrjetet sociale dhe u bë viral, duke theksuar sërish marrëdhënien e ftohtë mes dy artistëve.
