Kryeministri shqiptar, Edi Rama ka arritur në Prishtinë ku do të takohet me liderët e vendit, ku tha se do të informohet më shumë rreth propozim-aktakuzës ndaj Presidentit Hashim Thaçit e Kryetarit të PDK’së, Kadri Veseli, shkruan Gazeta Metro.
Përmes një shkrimi në rrjetin social Twitter, Rama ka e ka quajtur këtë aktakuzë si njollë turpi që do të hyjë në historinë botërore të drejtësisë.
Shkrimi i plotë i Ramës në Twitter:
“Në Prishtinë për të dëgjuar dhe mësuar më shumë pas fletë-rrufesë speciale që do të hyjë si njollë turpi e shekullit XXI në historinë botërore të drejtësisë,e cila praktikën e akuzës publike pa aktakuzë juridike e ka njohur veç në epokat e sundimeve ideologjike a para tyre!”
🇦🇱🇽🇰NË PRISHTINË PËR TË DËGJUAR DHE MËSUAR MË SHUMË PAS FLETË-RRUFESË SPECIALE QË DO TË HYJË SI NJOLLË TURPI E SHEKULLIT XXI NË HISTORINË BOTËRORE TË DREJTËSISË,E CILA PRAKTIKËN E AKUZËS PUBLIKE PA AKTAKUZË JURIDIKE E KA NJOHUR VEÇ NË EPOKAT E SUNDIMEVE IDEOLOGJIKE A PARA TYRE!
— Edi Rama (@ediramaal) June 29, 2020
