Presidenti Recep Tayyip Erdogan tha se vendet e Evropës me shëmtirësinë që shfaqin ndaj profetit të një feje dhe udhëheqësit të një vendi, dëmtojnë konceptin e demokracisë. Presidenti Erdogan mbajti një fjalim në Kongresin e 7-të të Zakonshëm të Vanit të Partisë për Drejtësi dhe Zhvillim (AK Parti), të cilën ai është kryetar. Kongresi u zhvillua në Stadiumin e Qytetit, “Ataturk”.
Në lidhje me islamofobinë në rritje në Evropë, Erdogan, tha: “Vendet e Evropës me qëndrimin e shëmtuar që shfaqin ndaj profetit të një feje dhe udhëheqësit të një vendi, nën këllëfin e lirisë së shprehjes, dëmtojnë konceptin e demokracisë. Është shumë e dhimbshme që rruga që çon në vlerat evropiane kalon nga mbrojtësit e fyerjeve kundër simboleve që i përkasin besimeve fetare dhe shoqërive të tjera. Në shumë vende dhe sidomos në Francë, përshkallëzimi i islamofobisë është një shenjë që tregon se mentaliteti i shtrembëruar që e çoi Evropën në katastrofë shumë herë, vazhdon ende”.
Duke u shprehur se ata nuk do të marrin kurrë në konsideratë provokimet, Erdogan tha: “Çdo fyerje ndaj Profetit tonë është fyerje për të gjithë myslimanët, çdo fyerje që ka në objektivë personalitetit tim, merr në objektivë qytetarët e Republikës së Turqisë.“
