“Vizita e presidentit rus, Vladimir Putin në Turqi mund të bëhet në gusht, por data e saktë ende nuk është caktuar”.
Kështu u shpreh udhëheqësi turk, Rexhep Tajip Erdogan, shkruan Tass.
“Data e saktë nuk është caktuar ende. Për momentin, ministrat e jashtëm dhe të inteligjencës janë duke punuar për këtë çështje. Shpresoj që si rezultat i punës së tyre, vizita të bëhet në gusht,” tha Erdogan i pyetur nga gazetarët, se kur Putini do të vizitonte Turqinë.
Ndërkohë, zëdhënësi i Kremlinit, Dmitry Peskov tha më 3 gusht se vendi dhe data e saktë e takimit midis presidentit rus Vladimir Putin dhe homologut të tij turk, Rexhep Tajip Erdogan do të koordinohen përmes kanaleve diplomatike.
