Kryetari i Komunës së Çairit dhe njëkohësisht anëtar i Lëvizjes Demokratike, Visar Ganiu ka reaguar në lidhje me shkurtimin e bllok dotacioneve për nxënësit e shkollave fillore poashtu edhe mos votimin e projektit për ndërtimin e rrjetit të kanalizimit në Dizhon të Çairit, shkruan InfoShqip.
Shkrimi i plotë:
“Hiç më larg se dje ne banorët e Çairit ishim dëshmitarë të goditjeve të ashpra që ua bën ministrat e BDI-së 10.000 nxënësve tanë dhe 10 shkollave tona, duke ua shkurtu bllok dotacionet për arsimin fillor. Dhe dje prapë na goditën duke votuar kundër projektit tonë për ndërtimin e rrjetit të ri të kanalizimit në Dizhon të Çairit.
Pikërisht këta qeveritarë të BDI-së, po mbrëmë erdhën në Çair për të demonstruar forcë me gjithë ato vetura super luksoze e me bodi-garde.
E pas gjithë kësaj më vjen në mend vetëm një pyetje për ministrat e BDI-së: A HIÇ BRE SPO JU VJEN MARRE ÇKA PO I BËNI FËMIJËVE E QYTETARËVE TË ÇAIRIT?”, ka shkruar Visar Ganiu. /InfoShqip.com
