Afrim Gashi nga Lëvizja Besa në emisionin “360 shkallë” në Alsat-M deklaroi se nuk do të jenë pjesë e ndonjë dokumenti që është në dëm të qytetarëve të vendit.
“Dua t’i sigurojë të gjithë qytetarët e Maqedonisë dhe përfaqësuesit e bashkësive tjera në vend se, Lëvizja Besa asnjëherë nuk do të jetë pjesë e asnjë dokumenti që do të jetë në dëm të qytetarëve. Aq sa jemi të interesuar të përmirësojmë gjendjen e shqiptarëve në Maqedoni, po aq jemi të interesuar që edhe maqedonasit dhe etnikumet tjera në Maqedoni të ndjehen mirë dhe të respektohen si qytetarë të këtij shteti”, deklaroi Gashi.
