Kandidati i koalicionit qeveritar në zgjedhjet presidenciale, Stevo Pendarovski ka shpenzuar tre here më shumë se kandidatja e opozitës maqedonase Gordana Siljanovska Davkova.
Sipas të dhënave financiare të dorëzuara nga tre kandidatët presidencialë në Komisionin Shtetëror Zgjedhor, nga 1 deri me 10 prill, kandidatja e opozitës maqedonase ka shpenzuar 163.000 euro, ndërsa Pendarovski 484.000 euro.
Në raport me Blerim Rekën, kandidati qeveritar, i përkrahur nga 31 parti të udhëhequra nga LSDM-ja dhe BDI-ja, ka shpenzuar 19 herë më shumë se Reka.
Sipas raporteve zyrtare të dorëzuar nga Reka, ai ka shpenzuar vetëm 25.000 euro, gjë që është konfirmuar edhe nga KZSh.
