Nga takimi i Gjuriqit me serbët e Kosovës Drejtori i të ashtuquajturës Zyrë serbe për Kosovën, Marko Gjuriq, u tha sot serbëve nga Kosova, se pavarësisht nga ajo që do të ndodh në të ardhmen, ata do të jenë më të sigurt dhe do të kenë mbështetje më të madhe nga shteti i Serbisë.
“Ajo që dua të them sot për çdo serb në Kosovë: Ju keni fjalën tonë se çfarëdo që të bëni në të ardhmen, do të keni vetëm më shumë, nuk do të keni më pak para, do të jeni më të sigurt”, tha Gjuriq në Mitrovicën e Veriut gjatë një takimi me përfaqësuesit e Listës Serbe. Në këtë takim, Gjuriq ishte i shoqëruar nga sekretari i Përgjithshëm i presidentit të Serbisë Nikola Selakoviq.
