Ndeshja mes Milanit dhe Shkëndijës së Tetovës, e cila do të luhet në orën 20:45 më datë 17 gusht, do të gjykohet nga austriaku Harald Leçner.
35-vjeçari është arbitër i FIFA-s që prej vitit 2010, por nuk ka asnjë precedent të mëparshëm ku të ketë gjykuar skuadra shqiptare apo përfaqësueset e Shqipërisë.
Pjesë e stafit të dërguar nga UEFA për ndeshjen Milan-Shkëndija sipas panoramës do të jetë gjithashtu edhe një shqiptar.
Sokol Jareci, ish-arbitër i njohur në Shqipëri, është përzgjedhur si vëzhgues i arbitrave të këtij takimi. Kujtojmë që në ndeshjen e parë të turit të tretë kualifikues që Milani luajti në Rumani ndaj Craiovës, vëzhgues ishte sërish një shqiptar, Plarent Kotherja.
