Kryeministri i Kosovës Avdullah Hoti pretendon se takimi i së hënës në Uashington, ku ai do jetë përballë Vuçiçit në Shtëpinë e Bardhë, nuk do jetë dhe aq “ekonomik”, siç është parathënë.
Sipas tij, aty, në atë takim, do vendoset për një fat historik.
“Në Shtëpinë e Bardhë janë marrë gjithmonë vendime strategjike që kanë quar në liri, pavarësi dhe integrim euro-atlantik të shtetit të Kosovës. Nuk do të jetë ndryshe edhe këtë here”, shkroi Hoti në FB.
Por dhe sa i përket formatit ekonomik të takimit, Hoti nuk e mohon atë.
“Qeveria e Kosovës do të prezantojë projekte të mëdha infrastrukturore dhe energjetike që kontribuojnë në zhvillimin dhe krijimin e vendeve të punës në Kosovë, por që ndikojnë në integrimin më të mirë të Kosovës në tregun regjional dhe evropian”, shkruan i pari i qeverisë së Kosovës.
Më herët, edhe Vuçiç ka paralajmëruar se takimi i Uashingtonit do jetë i vështirë për palën serbe.
