Kryeministri në detyrë, Avdullah Hoti, njofton se me kërkesën e tij sot Kuvendi do të mbajë seancë të jashtëzakonshme për dërgimin e FSK-së në misione jashtë vendit. Hoti njofton se kjo ka qenë ftesë e SHBA-së, që FSK të nis mission jasht vendit bashkë me Gardën Kombëtare të Ajovës.
“Me kërkesën time, sot prej orës 18:00 do të mbahet një Seancë e Jashtëzakonshme e Kuvendit të Kosovës, me një pikë të vetme të rendit të ditës: Marrja e vendimit për bashkë-dërgimin e kontingjentit të Forcës së Sigurisë së Kosovës në misione jashtë vendit me Gardën Kombëtare të Ajovës. Në bazë të ftesës së Shteteve të Bashkuara të Amerikës, Qeveria e Republikës së Kosovës me 31 dhjetor 2021, ka miratuar vendimin për bashkë-dërgimin e kontingjentit të Forcës së Sigurisë së Kosovës në misione jashtë vendit me Gardën Kombëtare të Ajovës.
Ky vendim i është dërguar Kuvendit të Republikës së Kosovës me propozimin për dërgimin e kontingjentit të FSK-së në misione për mbështetje të stabilitet rajonal dhe operacioneve paqeruajtëse, nën Komandën Qendrore Amerikane. Ky është rezultat i përgatitjes dhe profesionalizmit të vajzave dhe djemve tanë në FSK, si dhe i bashkëpunimit të shkëlqyeshëm me vendin mik të përjetshëm, ShBA-në”, shkruan Hoti në Facebook.
Lidhja Demokratike e Kosovës, ka njoftuar sot se do të marrë pjesë në këtë seancë, duke e vlerësuar ‘si lajm fantastik për ta filluar vitin’. Edhe në AAK kanë thënë se do të marrin pjesë në seancë.
