Gareth Bale është më shumë një problem sesa një zgjidhje tek Real Madrid. Klubi madrilen kërkon ta largojë sulmuesin uellsian, i cili nuk ka treguar asgjë nga forma e tij më e mirë dhe tifozët janë kthyer të gjithë kundër tij.
“Sport Mediaset” ka bërë me dije se drejtuesit e Interit janë takuar me agjencinë “Stellar Group”, agjenci që mbulon edhe Bale. Ka qenë pikërisht 29-vjeçari temë diskutimi mes tyre, sipas medies italian.
Ajo që vlen të theksohet është se Real Madridi është gati ta lërë në huazim sulmuesin e tyre, mjafton që të mos paguajë 15 milionë eurot e pagës së tij.
Inter po e ndjek me interes mesa duket situatën dhe Bale mund të vishet zikaltër, gjithmonë nëse ai pranon dhe klubi italian vendos të bëjë këtë lëvizje me kosto të larta financiare.
